A Asociación

Quen Somos

A Asociación Dubresa de Empresarios e Autónomos (ADEA) é unha entidade empresarial sen ánimo de lucro que naceu en xuño do 2003 pola iniciativa dun grupo de empresarios de Val do Dubra, coa finalidade de facilitarlles a actividade tanto ós empresarios coma ós traballadores, e para contribuír á dinamización socioeconómica de Val do Dubra.
Acolle a 67 socios, número que se incrementa cada vez máis, pertencentes a diversos sectores profesionais da zona de Val do Dubra, que van dende comerciantes e hostaleiros ata constructores.
A Asociación representa, defende e promociona os intereses económicos, sociais, profesionais e culturais de seus empresarios. Para conseguir estes fins, dende a Asociación lévanse adiante actuacións diversas, como son, entre outras, contribuir a ter ben informados ós asociados acerca de axudas, subvencións, lexislación, etc., e a súa tramitación, a celebración de cursos de formación, xornadas e charlas divulgativas dirixidas a distintos sectores sobre informática, comercio, prevención de riscos laborais, novas tecnoloxías, etc.
Desta forma e de modo periódico mándaselles ós asociados información de interese para que sempre estén ben informados.
Tamén xestionamos unha bolsa de emprego local na que se poden inscribir tanto as ofertas como as demandas de emprego.
Unha das actuacións desenvoltas pola Asociación foi a presentación ante o IGAPE do Proxecto Adeadubra.com, mediante o cal as pemes da nosa comarca contarán con un portal de Internet para a súa adaptación ás novas tecnoloxías. De momento son 10 as empresas que entraron no proxecto con posibilidade de que poidan engadirse todas aquelas empresas que queiran participar nel.
O portal "Adeadubra.com", ofrécelle ás pemes unha marabillosa plataforma para publicitar e ofrecer productos na rede, contribuíndo á introducción destas nos procesos de comercio electrónico.
Un dos principais obxetivos da Asociacion é o de contar cun Polígono Industrial no concello. Na actualidad trabállase para que as condicións sexan as máis favorables para o empresario.

Historia da Asociación

• ADEA Asociación Dubresa de Empresarios e Autónomos, nace por iniciativa dunha serie de empresarios de Val do Dubra, para:
• Representar, defender e promocionar os intereses económicos, sociais, profesionais e culturais dos socios.
• Favorecer o desenvolvemento económico do Concello, como medio de acadar una situación social cada vez máis xusta.
• Fomenta-la solidariedade de seus socios, promocionando e creando servizos comúns.
• Programar as accións precisas para conseguir melloras sociais e económicas para os seus socios.

Funcións

• Representar e xestionar, nos aspectos xerais e comúns, os intereses dos socios ante tódalas instancias, sexan representativas, de xestión ou de decisión, nos ámbitos socioeconómicos, culturais ou políticos.
• Estudar os problemas que plantexen con carácter xenérico as empresas, acorda-las solucións máis procedentes e establecer as normas de actuación común dos membros asociados.

Cronoloxía

• 14 maio 2003: primeria reunión de empresarios onde se acorda citar a tódolos empresarios do Concello para unha reunión posterior o 30 de maio, e decidi- la convenencia de crear unha asociación.
• 30 maio 2003: Noméase unha Comisión Xestora, á que se encarga:
• Preparar toda a documentación precisa para legaliza- la asociación.
• Elaborar uns estatutos.
• Organizar unha asamblea xeral para o 27 de xuño de 2003.
• 12 xuño 2003: Constitución da Asociación. Aprobación dos Estatutos. Se Decídese o nome de ADEA.
• 25 xuño 2003: Depósito dos Estatutos na Xunta de Galicia.
• 27 xuño 2003: Ratificación dos Estatutos na Asamblea. Elección de membros do Consello de Dirección. Aprobación da Acta Fundacional

Estatutos